Ministri i Brendshëm italian Matteo Salvini është këecënuat sërish me jetë. Një zarf anonim me një plumb të kalibrit 22 mm ka mbërritur në adresën e ministrit, njëherësh zëvendës kryeministrit italian.
Zarf i dyshimtë u sekuestrua në shërbimin postal të komunës Sesto Fiorentino në provincën e Firences. Plumbi ishte i mbështjellë nga një letër alumini e zarfi është marrë për t”u analizuar nga policia.
Salvini tha: “Mbi 100 kërcënime me vdekje kam marrë që nga dita kur u bëra ministër.”
Pak muaj më parë një tjetër zarf me fjalë kërcënuese ku deklaronin se ishin shqiptarë i është adresuar ministrit Salvini. Por deri më tani nuk ka asnjë informacion mbi zbardhjen e autorëve të letrës kërcënuese.
