Shtetet e Bashkuara shpresojnë të shohin një ngrirje të programit bërthamor të Koresë së Veriut, si fillimi i një procesi të denuklearizimit.
Presidenti i SHBA Donald Trump dhe udhëheqësi i Koresë së Veriut Kim Jong Un patën një takim të papritur në fund të qershorit në Zonën e Demilitarizuar (DMZ) midis dy Koreve dhe ranë dakord të rifillojnë një dialog të bllokuar që nga një samit i dështuar në Vietnam në shkurt.
Sekretari i Shtetit i SHBA-së Mike Pompeo ka thënë se bisedimet ndoshta do të ndodhin “diku në korrik … ndoshta në dy apo tre javët e ardhshme”.
Administrata e Trump ka hedhur poshtë një raport të New York Times që tha se një ide po merrte formë midis zyrtarëve të SHBA për të kërkuar të negociojë një ngrirje bërthamore nga Korenë e Veriut, në vend të denuklearizimit të saj të plotë, duke e pranuar atë në mënyrë të heshtur si një shtet bërthamor.
