Kryetarja e Lëvizjes Socialiste për Integrim, Monika Kryemadhi, po zhvillon një takim me shefen e grupit të vëzhguesve të OSBE/ODHIR, Audrey Glover.
Mësohet se në këtë takim, Kryemadhi do t’i paraqesë ambasadores një dosje të plotë me dokumentin e atyre që i cilëson si “shkeljet e kushtetutës dhe të ligjit zgjedhor në votimet moniste nga qeveria më 30 qershor”.
Ndërkaq, ditën e djeshme Glover pati një takim me kreun e Partisë Demokratike, Lulzim Basha, në selinë blu. Takimi u mbajt një ditë pas protestës së 10 në radhë në rang kombëtar të opozitës së bashkuar joparlamentare. Temë kryesore e tryezës së bisedimeve ishin zgjedhjet vendore të 30 qershorit.
Raporti i plotë i OSBE-ODIHR për lokalet në Shqipëri pritet të publikohet pas 3 muajsh.
