Lidhja e Monica Bellucci me francezin 18 vjet më të ri, Nicolas Lefebvre ka marrë fund!
Pas dy vjetësh lidhjeje me skenografin 37-vjeçar francez, aktorja italiane, e cila në vitin 2013 u nda nga Vincent Cassel (babai i dy vajzave të saj Deva dhe Léonie), i ka dhënë fund marrëdhënes!
Pasioni i tyre ishte i jashtëzakonshëm, dhe aktorja dukej shumë e lumtur kohët e fundit dhe këtë e pranoi edhe vetë Bellucci.
“Në historinë me Nicolas, ne ndiheshim kaq mirë me njëri-tjetrin dhe ky mashkull më mësoi kaq shumë gjëra: Ai është një person i cili ka një ndjeshmëri të vërtetë artistike”, shprehet ajo për ish-partnerin.
Rrugët e tyre janë ndarë tashmë, por nuk është një lamtumirë dhe këtë na e siguroi Monica Bellucci:
“Ai është i mrekullueshëm, por fluturimi ynë vazhdon në një udhë tjetër që është ajo e një miqësie”.
Monica Bellucci bëri bujë me lidhjen e fundit për vetë faktin e diferencës në moshë duke qenë se aktorja do të mbushë 55 vjeç në shtator.
