Presidenti i Shteteve të Bashkuara, Donald Trump, vizitoi ditën e djeshme si i pari lider amerikan Korenë e Veriut, ku zhvilloi një takim me udhëheqësin suprem, Kim Jong Un. Media shtetërore koreano-veriore e ka cilësuar vizitën e papritur si një ngjarje të jashtëzakonshme.
Ditën e sotme, agjencia koreano-veriore e lajmeve “KCNA”, e pasqyroi gjerësisht takimin e paprecedentë, përkundër “traditës” së tyre për të përshkruar SHBA-në, si armikun më të urryer të vendit prej dekadash.
Negociatat për programin e kontestuar për çnuklearizimin e Koresë së Veriut kanë mbetur në një pikë të vdekur, pasi takimi i dytë mes dy liderëve në Samitin e Hanoit përfundoi pa një marrëveshje.
Pas bisedimeve të së dielës, ata pohuan angazhimin për miqësi dhe për vijimin e negociatave për çështjen bërthamore.
