Ndonëse filmi i famshëm i animuar japonez “Spirited Away” pati premierën në vitin 2001, u deshën 18 vite që të shfaqej për herë të parë në kinematë e Kinës.
Pavarësisht fakti se filmi nuk u shfaq kurrë në Kinë, të shumtë qenë njerëzit që u rritën me të duke e parë në DVD ose duke e shkarkuar në mënyrë pirate. Aq sukses pati premiera e parë në Kinë, sa filmi tejkaloi fitimet e “Toy Story 4” të Disney-t. Sipas aplikacionit më të madh të biletave të filmave në Kinë, Maoyan, “Spirited Away” fitoi 27.7 milionë dollarë.
Filmi japonez, me regji të Hayao Miyazaki, tregon historinë e një vajze të vogël, e cila transportohet në një botë fantazie pasi hyn në një park të braktisur së bashku me prindërit e saj. Ai është projekti më i suksesshëm i The Studio Ghibli, i cili u bë i pari film i animuar në gjuhë të huaj (jo angleze) që fitoi një çmim Oscar (2003).
