Khloe Kardashian është po aq e çuditur sa të gjithë ne pas postimit publik në të cilin Tristan-i i uronte ditëlindjen duke e konsideruar “njeriu më i bukur që ka njohur, brenda e jashtë”.
Burime për “People” treguan se bjondia e familjes Kardashian nuk di si të reagojë ndaj publikimit të papritur të ish- partnerit tradhtar, me të cilin ka një vajzë 1 vjeçe, True-në. Khloe gjithashtu qenka detyruar të sqarojë se ata “kanë një fëmijë bashkë, por nuk janë bashkë”.
Sa i takon pjesës tjetër të Kardashian-ëve- asnjëri prej të cilëve nuk ka reaguar publikisht ndaj postimit të ish- kunatit- ata mendojnë se Tristan e bëri për të fituar simpatinë e publikut.
Postimi i tij i zuri të gjithë të papërgatitur për shkak se vetëm pak muaj më parë, Tristan u përfshi për herë të dytë në një skandal tradhtie ndaj Khloe-s, veçse këtë herë me shoqen e ngushtë të Kylie-t, Jordyn Woods.
Bashkë me një foto të ish- partneres me të bijën në krahë, Tristan shkruajti:
“Gëzuar ditëlindjen, Khloe Kardashian”, e nis Tristan-i, “Je njeriu më i bukur që kam njohur, brenda e jashtë. Faleminderit që je një mama e mrekullueshme për princeshën tonë True. Ajo është e bekuar që ka dikë si ti për shembull. Të uroj veçse sukses dhe uroj që pozitiviteti të bekojë rrugën tënde. Shijoje ditën tënde, Koko.”
