Kujtojmë që 1 vit më parë, Cardi sulmoi dy motra, Jade dhe Baddi Gi, të cilat ishin bariste në një club nate në Queens. Kamerat e sigurisë filmuan këngëtaren duke hedhur një kovë me akull drejt vajzave. Arsyeja e sulmit ishte pasi reperja dyshonte se njëra prej tyre kishte një lidhje me bashkëshortin e saj, Offset.
Cardi u arrestua fillimisht në tetor, por më pas u la e lirë.
Por, së fundmi kanë dalë në dritë detaje të reja, aspak në favor të artistes.
“TMZ” ka bërë me dije se mbi Cardi-n nuk rëndojnë vetëm akuzat e dy motrave por plot 14 të tilla, ku mes tyre edhe: “sulm me qëllim shkaktimin e plagëve të rënda”.
Vendimi i gjykatës për reperen pritet të jepet më 25 qershor, por duhet thënë se deri më tani asgjë nuk është në favor të saj.
