George Clooney do të ketë miq specialë këtë fundjavë. Do të mbërrijnë në Milano të premten dhe më pas do të transferohen në Laglio, në vilën e aktorit, i cili së bashku me të shoqen Amal do të presin ish-presidentin amerikan Barack Obama, bashkëshorten Michelle dhe vajzat e tyre.
Shtëpia Oleandra mbushet shpesh me miq të zgjedhur, aktorë hollivudianë, por këtë herë janë marrë masa të rrepta sigurie.
Bashkia e qytetit ka mbyllur disa rrugë, për më shumë siguri për personalitetet e famshëm. Madje, ka dalë dhe një urdhër, që ndalon kalimin e njerëzve pranë vilës.
