Chris Martin dhe Dakota Johnson janë ndarë pas gati dy vitesh lidhjeje.
Vokalisti i Coldplay, 42 vjeç, thuhet se u ka thënë shokëve të tij se është sërish beqar pasi i dha fund marrëdhënies me aktoren amerikane, 29 vjeç, muajin e kaluar.
“Flitej për një fejesë, por tani ai thotë se i kanë ndarë rrugën nga njëri-tjetri, gjë që ka ardhur si një surprizë e vërtetë për të gjithë”, thotë një burim për “The Sun”.“Chris dhe Dakota shkonin me njëri-tjetrin dhe dukeshin shumë të lumtur së bashku”.
Ata u panë për herë të parë së bashku në mes të tetorit 2017, raporton “People”.
Dakota madje ka takuar ish-bashkëshorten e Chris-it, Gwyneth Paltrow dhe fëmijët e tyre Apple, 14, dhe Moses, 12.
Paltrow dhe Johnson dukeshin shumë të afërta me njëra-tjetrën, sa mund të thoje që njiheshin prej kohësh.
Por duket se gjërat nuk shkuan ashtu siç duhej dhe lidhja mori fund pa u zyrtarizuar mirë!
