Një bandë shqiptare që bëri 4 milion paund në vit duke shitur drogë është burgosur për një total prej 60 vjetësh.
Pasi hynë në vend ilegalisht, 10 personat e përfshirë zhvilluan shërbimin e sofistikuar për Tunbridge Wells duke punuar ditë e natë.
I quajtur "Conspiracy 24/7", grupi krijoi një call center që merrte porosi përmes telefonatave.
Call center-i mori më shumë se 1.500 telefonata në një javë dhe tregtarët e drogës do të kryenin qindra transaksione brenda javës.
Gjykatësi Brown i tha kryetarit të bandës, Nelson Alliajt: "Unë jam i sigurt se pasi u deportuat nga Mbretëria e Bashkuar në fillim të vitit 2018, ju u kthyet sërish në mënyrë të paligjshme me qëllimin e vetëm për të realizuar këtë komplot.
Nuk është e qartë nëse ju e kishit nisur këtë punë që në pranverën e vitit 2018 kur u kthyet. Ky ishte një krim i organizuar serioz dhe ju ishit në zemër të tij."
Personat e përfshirë në “Delivero for drugs” u dënuan si më poshtë:
Ervis Dervishi, 21 vjeç, i Cone Road në Colchester u dënua me shtatë vjet.
Rigels Hadushaj, 20 vjeç, nga Grenfell Mansions në Deptford u dënua me shtatë vjet.
Izmir Basha, 24 vjeç, nuk ka vendbanim fiks, u dënua me shtatë vjet.
Arlind Palushi, 19 vjeç, pa vendbanim, fiks u dënua me gjashtë vjet e gjashtë muaj.
Alfred Gashi, 19 vjeç, nga Lodge Road në Southampton, u dënua me gjashtë vjet e tre muaj.
Marius Kuçi, 25 vjeç, nga Lodge Road në Southampton, u dënua me katër vjet.
Fatos Metalia, 26 vjeç, pa vendbanim fiks, u dënua me katër vjet.
Arsid Mataj, 24 vjeç, pa vendbanim fiks, u dënua me tre vjet e gjashtë muaj.
Xhensil Vucaj, 18 vjeç, nga Brook Road në Thornton Heath, i vetmi shtetas i ligjshëm i Mbretërisë së Bashkuar, u dënua me dy vjet, u pezullua për dy vjet dhe 200 orë punë të papaguar.
Përktheu nga www.kentonline.co.uk, ©Lapsi.al
