"Lulzim Bashën e kam telefonuar pak minuta para mitingut të ditës së shtunë për ti kërkuar parandalimin e dhunës, por edhe për ta informuar se do të anulloja 30 qershorin si datë e zgjedhjeve lokale. Basha e ka marrë vesh vendimin në 7:20, përmes një telefonate zyrtare, e cila është e regjistruar.
Presidenti ka treguar gjatë konferencës së sotme për shtyp, pas pyetjes së një gazetareje, se nuk ka qenë i ndikuar nga interesat e opozitës kur ka marë këtë vendim. Ai ka rrefyer gjithëashtu se këtë gjë ia ka lënë të kuptohet edhe Ramës gjatë një dreke në Pallatin e Brigatave.
"Por disa ditë më pas Rama tregoi në një intervistë se nuk tërhiqet nga 30 qershori kështu që unë nuk e quajta më të nevojshme ta informoj tha Meta. Ai pohoi se i ka dështuar edhe një tentativë për të informuar Kreun e Kuvendit, Ruçi për këtë vendim sepse ai nuk gjendej në Tiranë.
Gjatë konferencës kreu i shtetit është munduar të mbajë një qëndrim të barazlarguar mes palëve. Ai ka etiketuar si estremist edhe qëndrimin e Ramës për të mos u tërhequr nga 30 qershori edhe qëndrimin e Bashës se ai nuk ulet në tryezë me Ramën si kryeministër.
Por megjithëse Ai i ka lënë më shumë përgjegjësi Ramës pasi ai mban postin e kryeministrit dhe duhet të mbajë më tepër peshë, ai nuk ka pranuar ta quajë këtë vendim një përpjekje për të mbështetur PD apo ish partinë e vet të ia ka lënë trashëgim bashkëshortes.
©Lapsi.al
