Bill Murray ka treguar sesa shumë e admiron kolegen e tij Selena Gomez, me të cilën shkëlqeu në filmin Zombie, The Dead Don’t Die.
Dhe aktori ishte të hënën në premierën e filmit në Museum of Modern Art, New York. 68-vjeçari pranoi se e kishte gjykuar gabim aktoren para se të punonin së bashku për filmin horror.
“Mësova se e pëlqeja, mësova se çfarëdo paragjykimi që kisha për dikë me 55 milionë apo miliard ndjekës, ndoshta do ishte shumë më ndryshe, ajo doli shumë më ndryshe nga sa mendoja,”-tha ai. “U kënaqa shumë me të. Më pëlqen shumë.”
Në fakt, Murray shtoi se i pëlqeu aq shumë 26-vjeçarja saqë do ia prezantonte nënës së tij të ndjerë, nëse do e kishte takuar kohë më parë.
“Nëse nëna ime do ishte gjallë, do ia kisha dërguar në shtëpi,”-shtoi aktori, para se të thoshte me shaka: “Nënë, dua që të takoj me Selenën.”
Marrëdhënia mes dy aktorëve nxiti shumë thashetheme në media, pasi Selena postoi disa foto me Bill duke u shprehu se do martohej me të.
Shumë media aluduan nëse lajmi ishte i vërtetë apo jo, por mesa duket thjesht ka qenë një shaka mes dy miqsh të mirë.
