Presidenti i Republikës ka shpallur sot se në emër të paqes sociale dhe ruajtjes kushtetuese të pluralizmit, ai ka zhdekretuar 30 qershorin si datën e mbajtjes së zgjedhjeve lokale. Menjëherë i është përgjijur kryeministri Rama i cilia në dy postime me radhë ka theksuar se 30 qershori nuk ndryshon dhe se zhdekretimi presidencial nuk ka efekte.
Lexo me tej:
Andi Bushati: Gafa e pafalshme e Ilir Metës
Po mbi cilat argument mbështeten palët?
Lapsi.al ka kqyrur mediat mbështetëse të tyre për të kuptuar interpretimet ligjore që ato bëjnë. Sipas krahut të Edi Ramës Kushtetuta e Republikës së Shqipërisë parashikon kompetencën e presidentit për të caktuar datën e zgjedhjeve dhe ajo dispozitë për këto zgjedhje është ezauruar. “Referenca kushtetuese për caktimin e datës së zgjedhjeve të 30 qershorit është konsumuar për këto zgjedhje dhe nuk mund të merret vendim për shfuqizimin e saj” pretendon kjo palë e cila thekson se presidenti munt ta ripërdori këtë të drejtë vetëm kur të ketë zgjedhje të tjera
Por krahu që mbron Metën nuk e pranon këtë logjikë. Ata e hedhin poshtë logjikën sipas të cilës Kushtetuta i jep kreut të shtetit vetëm të drejtën e dekretimit të një date zgjedhjeje dhe jo atë të zhdekretimit të saj. Madje për këtë ka edhe precedentë. Alfred Moisiu e ka ushtruar të drejtën e zhdekretimit pas historisë së famshme të certifikatave në zgjedhjet locale të vitit 2007. Po të njëjtën gjë bëri edhe Nishani pas marëveshjes Basha- Rama dhjetë vite më pas.
Por nëse socialistët përgjigjen se në dy rastet e mësipërme zhdekretimi u bë me konsensus të forcave kryesore politike, mbrojtësit e presidencës pretendojnë se ruajtja e paqes dhe pluralizmit në vend është dicka më madhore sesa marrveshja mes partive. Prandaj presidenti thonë ata ka të drejtën që të bëjë zhdekretim.
Këtë obsion e mbështesin edhe zërat që këmbëngulin se e vetmja mundësi që dekreti i Presidentit (që pritet të formalizohet të hënën), të atakohet është në Gjykatën Kushtetuese, e cila nuk është funksionale. Prandaj, për shkak të kësaj situate, ky dekret mbetet vetëm të zbatohet.
©Lapsi.al
