Publikimi i fotove me Kiara Titon, pas 3 vitesh në qendër të aludimeve për marrëdhënien e tyre, ishte mënyra më e mirë për ta kthyer projektin e ri muzikor të Butrint Imerit në një moment të diskutuar showbiz-i.
Butrinti ka kohë që ngacmon me pjesë nga kënga “Hajt Hajt” por sot, tregoi datën dhe orën ekzakte se kur do të publikohet klipi i ri: të premten në orën 14:00.
Ai publikoi një klip të shkurtër në të cilin shfaqet duke dalë nga një makinë me targa që lexohen: “Hajt Hajt”. Por, posteri ku Butrinti shfaqet bashkë me Kiarën, zbulon edhe se do të ketë skena eksplicite, pasi paralajmëron të mos shihet pa praninë e prindërve. Kjo do të thotë se me shumë gjasa mund të ketë skena të nxehta në video!
Ky është projekti i parë muzikor i Butrintit pas “Sa gjynah” me Majkun që u publikua në prill.
