Qendra e Londrës është mbushur me protestues kundra Donald Trump dhe politikave të tij, në ditën e dytë të vizitës zyrtare të presidentit amerikan në Britaninë e Madhe. Demostruesit kanë mbushur sheshin përballë Parlamentit në Westminister, ku dhe është vendosur një kukull gjigande dhe e fryrë.
Presidenti i Shteteve të Bashkuara, Donald Trump, do të takojë sot kryeministren e Britanisë së Madhe, Theresa May. Trump ndodhet për vizitë treditore shtetërore në Mbretërinë e Bashkuar. Sekretari i Jashtëm britanik, Jeremy Hunt, do të jetë në mesin e ministrave të pranishëm në bisedime.
Të hënën, Trump mori pjesë në një banket shtetëror në Pallatin Bukinghem, ku lavdëroi, siç tha, miqësinë e përjetshme midis Mbretërisë së Bashkuar dhe Shteteve të Bashkuara.Mbretëresha britanike, Elizabeth, tha se dy vendet kremtojnë aleancën, e cila ka garantuar sigurinë dhe prosperitetin e dy popujve për dekada. Trump dhe May do të dalin në konferencë të përbashkët për media në orën 14:00, sipas kohës lokale.
