Tashmë vetëm pak ditë na ndajnë nga ajo, që konsiderohet se do të jetë dasma e vitit në Turqi.
Bëhet fjalë për lidhjen e futbollistit të njohur gjerman me origjinë turke, Mesut Ozil, dhe aktores bukuroshe, Amine Gulse, të cilët në datë 7 qershor do të kurorëzojnë me martesë dashurinë e tyre disavjeçare. Së fundmi aktorja e njohur turke ka organizuar festën e beqarisë së bashku me miket e saj më të mira. Ajo publikoi foto në rrjete sociale ku shihet teksa feston. Nga foto shihet se aktorja është shumë e emocionuar dhe ka shpërthyer dhe në lot. Është mësuar se çifti do të kalojë muajin e mjaltit në Maldive.
