Melania Trump dhe presidenti Donald Trump ishin të ftuar në Britaninë e Madhe, ku i mikpriti mbretëresha Elizabetë.Pritja në pallatin e Buckingham-it është nisja e një vizite 3-ditore të presidentit në Britaninë e Madhe. Të pranishëm janë edhe vajza e tij Ivanka dhe bashkëshorti i saj Jared Kushner. Takimi po mbulohet gjerësisht nga media britanike. Detaji që s’mbeti pa u vënë re, është veshja e Melania-s, e cila u shfaq me një kostum të bardhë me jakë e rrip blu Dolce Gabbana, bashkë me një kapele me të njëjtin kombinim.Kostumet bardh e blu ose bardh e zi të të njëjtit stil, kanë qenë në fakt të preferuar edhe nga princesha Diana, e cila i ka veshur në disa raste.Duket se në këtë mënyrë, Melania nderon princeshën historike të pallatit të Buckingham-it.
