Edhe pse fushata elektorale ka nisur zyrtarisht dhe Rama po shkon i vetëm drejt zgjedhjeve lokale, opozita shpreson ende për një zgjidhje, për nje formulë që ndoshta vjen nga Gjermania. Për këtë cështje ndodhet në Berlin kreu i opozitës, Lulzim Basha. Axhenda e tij e takimeve është mbajtur e fshehtë. I vetmi detaj që ka dalë është se takimet janë përgatitur nga Fondacioni Conrad Adenauer. Basha pritet të ketë takime në Bungestag, ku temë kryesore mbetet patjetër kriza politike në vend.
Por vec kreut të opozitës në Berlin ndodhet edhe presidenti Ilir Meta, si dhe dy ministra të kabinetit ‘Rama’, Sandër Lleshaj dhe Etilda Gjonaj, të shoqëruar nga Taulant Balla. Në dallim nga opozita që është fokusuar tek kriza politike, mazhoranca është e fokusuar tek integrimi dhe hapja e negociatave. Edhe njerëzit e Edi Ramës do të kenë gjithashtu takime në Bundestag për të bindur ata që mendojnë se vendi ynë nuk është ende gati për hapjen e negociatave.
Nuk mund të thuhet me siguri se cfarë të reje do të kemi nga Gjermania, por gjasat janë që të mos ketë surpriza në qëndrimet e Berlinit zyrtar. Deri më tani ndërkombëtarët njëzëri nuk e kanë përkrahur vendimin e opozitës për të dalë nga përlamenti dhe të bojkotuar zgjedhjet lokale.
©LAPSI.al
