Komisioni Europian deklaroi se kërkesa për rivendosjen e vizave ndodh për herë të parë ndaj një vendi në Shengen, pra rasti i vendit tonë pas kërkesës nga Holanda. Zëdhënësja e KE-së Natasha Bertaud theksoi se do të njoftohet Këshilli dhe Parlamenti, dhe nëse kërkesa e Holandës do të miratohet nga këto dy organe të Bashkimit Europian, atëherë do të pengohet lëvizja e lirë për qytetarët shiptarë.
‘’Në varësi të situatës do të shihet dhe sa do të zgjasë procedura, kjo është një kërkesë që bëhet për herë të parë. Hapi ynë i radhës është të njoftojmë Këshillin dhe Parlamentin. Në rast se kjo kërkesë do të miratohet, atëherë do të pengohet lëvizja e lirë për qytetarët shqiptarë. Ne do të kryejmë një process të plorë analizimi të rrethanave dhe më pas gjetjet do ia dërgojmë Parlamentit”, është shprehur zëdhënësja e KE.
©Lapsi.al
