Me 2 çmime ‘Grammy’ dhe me një numër klikimesh shumë të lartë, nuk ka dyshim që Dua Lipa është një nga artistet më të suksesshme nëpër botë.
Së fundmi, këngëtarja shqiptare ka publikuar një foto ku zbulon se albumi i saj i parë me titull ‘Dua Lipa’, është një nga albumet më të suksesshme në botë, i cili ka thyer rekorde klikimesh në mënyrë globale. Albumi gjithashtu ka arritur të shesë 3.5 milionë kopje në gjithë botën, ndërsa ‘New Rules’ dhe ‘IDGAF’ janë kthyer në hite të padiskutueshme. Familja, miqtë dhe partneri, nuk hezitojnë asnjëherë t’i tregojnë këngëtares se janë krenarë për arritjet e saj, por asnjëherë nuk duhet të harrojmë se Dua ka një mbështetje shumë të madhe nga fansat e saj.
