Është tensionuar protesta e opozitës përpara kryeministrisë. Protestuesit kanë hedhur sërish bojë dhe shashka drejt godinës. Ka pasur edhe një moment tensioni mes një grupi protestuesish dhe disa efektivëve të policisë. Situata është qetësuar pas ndërhyrjes së kryetarit Basha që po mbante fjalën.
“Vëllezër e motra mos lëndoni asnjë oficer dhe efektiv policie. Mos prekni asnjë oficer policie. Vëllezër dhe motra, mos i prekni me dorë, sepse hiq dy a tre servilë të inkriminuar. Edhe pse buzët e tyre nuk e thonë dot, mendjet e tyre e mendojnë. Unë i njoh këta burra dhe gra, kam punuar me ta, kemi mundur drogën, kemi hequr vizat. Ata nuk flasin por shpirti i tyre këndon: “Rama Ik” – tha Basha. ©LAPSI.al
