Komisioni i Jashtëm i Vlerësimit të punonjësve të Policisë së Shtetit, të Gardës së Republikës dhe të Shërbimit për Çështjet e Brendshme dhe Ankesat (SHÇBA), ka përzgjedhur 45 emrat e parë që do t’i nënshtrohen procesit të vetting-ut.
Nga informacionet paraprake të bëra të ditura nga Ministria e Brendshme, njoftohet se 31 prej subjekteve të vlerësimit shërbejnë në detyrat më të larta drejtuese në Policinë e Shtetit, 12 të tjerë janë punonjës në SHÇBA, ndërsa 2 prej tyre janë pjesë e strukturave të Gardës.
Pas tërheqjes së dosjeve të vetë-deklarimit, Komisioni i Jashtëm ka nisur fazën e pare të vlerësimit, që konsiston në shqyrtimit e deklaratave, në kërkimin e informacioneve dhe në kryerjen e verifikimeve përkatëse.
Sipas procedurave të parashikuara nga ligji, pas procesit të hetimit administrative mbahet një seancë e hapur dëgjimore për secilin prej subjekteve.
