Policia italiane ka arrestuar 7 persona të cilët shpërndanin kokainë në komunën e Asisit. Grupi prej 7 personash shpërndante drogë në sasi të vogla.
Hetimet kanë nisur pasi shumë banorë thanë se ndihen të shqetësuar nga fakti se disa persona kishin filluar të helmojnë fëmijët e tyre me lëndë narkotike, kryesisht të llojit kokainë. Më tej hetimet janë shtrirë edhe në terren, ku karabinierët arritën që të zbulojnë edhe sesi funksiononte grupi, shkruajnë mediat italiane.
Karabinierët kanë zbuluar se droga shpeshherë shkëmbehej në qytet në këmbë ose me biçikletë. Pas mbylljes së hetimeve nga Prokuroria e Perugias, anëtarët e organizatës kriminale janë dërguar në gjykatë për akuza që lidhen me trafikun e drogës.
Të gjithë personat që merrnin pjesë në rrjetin e shpërndarjes së lëndës narkotike ishin shqiptarë, përveç një italiani. Gjatë kontrolleve, policia italiane ka mundur të sekuestrojë kokainë, hashash, material për prerje dhe 4300 euro të gatshme. Për disa prej anëtarëve të bandës së drogës u dha “arrest me burg”, ndërsa të tjerë ia dolën që të jenë jashtë qelisë me masa më të buta sigurie.
