Ambasada amerikane ka reaguar pas rekomandimit të Komisionit Europian për çeljen e negociatava të Shqipërisë me BE-në. Në reagimin e ambasadës thuhet se SHBA është e përkushtuar të ndihmojë Shqipërinë drejt integrimit në BE duke e mbështetur dhe për zbatimin në vijim të reformave legjitime dhe kushtetuese gjyqësore.
"Ne mirëpresim rekomandimin e Komisionit Europian për hapjen e bisedimeve të anëtarësimit me Shqipërinë dhe konfirmimin e saj se Shqipëria vijon të bëjë përpara në zbatimin e reformave jetike dhe të pakthyeshme. Shtetet e Bashkuara mbeten të përkushtuara që të punojnë me partnerët tanë shqiptarë dhe të BE-së për të siguruar integrimin me sukses të Shqipërisë në Bashkimin Europian, përfshirë edhe mbështetjen tonë të plotë për zbatimin në vijim të reformave legjitime dhe kushtetuese gjyqësore", shkruan ambasada amerikane.
