Kryeministri Edi Rama i ka bërë thirrje kryetarit të opozitës, Lulzim Basha, që të japë një lloj konsensusi për integrimin, deri datën kur të mblidhet Këshilli Europian, që të vendosë për rekomandimin, për hapjen ose jo të negociatave për anëtarësim, me Shqipërinë.
Mbledhja e Këshillit Europian, është muajin që vjen, me 16 Qershor. Sipas tij, Basha duhet ta bëjë për Shqipërinë, jo për partinë, që të mos nxiten ata që janë dyshues e skeptikë në Europë, e që do ndikoheshin nga denoncimet në anglisht, sic i quan ai, apo pamjet e protestave.
Pamje të gënjeshtërta, i quajti Rama, pasi tha se ato nuk janë protesta të popullit, po të partisë. Edhe pse i bëri këtë apel Bashës, Rama e cilësoi disa here opozitën, si opozitë rrugore.
