Në televizionet shqiptare është bërë një rregull i pashkruar: nëse dikush shfaqet në një nga emisionet e panumërta politike, pavarësisht sesa gjëra të zgjuara thotë apo sa broçkulla këput, moderatorët konkurrentë nxitojnë ta vjedhin personazhin e ri. Kështu ka ndodhur edhe me Rudina Xhungën që ka huazuar për "Dritare", kripën dhe sheqerin e "360 Gradë", aktorin majtisto- nacionalist, Laert Vasili.
Vasili, i cili u bë i njohur për ekranin pasi dilte tek Arian Çani për shfaqet teatrore, pasi tradhëtoi shokët e tij që protestonin kundër qeverisë për prishjen e teatrit, u pikas shpejt nga Artur Zheji. Me futjen e tij në studio, Zheji, i cili bën një emision të angazhuar opozitar, plotësonte dy qëllime: një, sillte në studio zërin e të majtëve që s'e kanë me qejf të bujtin në emisionin e tij dhe, dy, qesharakëzonte argumentat e të gjithë atyre që mbrojnë aksionin qeveritar.
Lexo më tej:
“Ke shitur shpirtin”, Laert Vasili një aktor në kohën e gabuar
Megjithëse kjo gjetje e Zhejit kishte shkaktuar shumë hilaritet, aktori i shndërruar prej tij në analist politik, Laert Vasili, nuk i rezistoi dot tundimit të konkurrentëve të tjerë. Fillimisht ai u shfaq në studion e Sonila Meços dhe të martën në mbrëmje edhe në "Dritare" të Rudina Xhungës.
Pra nëse fillimisht Laert Vasili u shpik për nevojat propagandistiko- humoristike të 360 Gradë, ai tani ka zënë në studiot politike vendin e një analisti serioz. Ai po përforcon rregullin e pashkruar se po nxorre kokën në një ekran, të rrëmbejnë të tërë të tjerët, pavarësisht nga kriteret.
Shembulli i tij po dëshmon edhe njëherë mjerimin e programeve politike që në shumicën e rasteve janë shndërruar në një gallatë që i ofrojnë njerëzve shtyrjen e kohës. Dhe në fakt nuk kishte si të ndodhte ndryshe, kur parlamenti po gëlon nga opozita e re, kur salla e tij u mbush me Kujtim Gjuzin, Rudina Hajdarin, Selami Jenisherin e kështu me radhë, virusi nuk kishte si mos shpërndahej edhe në emisionet që pasqyrojnë këtë realitet.
©Lapsi.al
“Qurrash, lëtyrë dhe bir ku*ve”/ Aktori Laert Vasili u përgjigjet kolegëve që e kanë fyer
https://youtu.be/jCgHlVH2Vt4
