RTV Ora në bashkëpunim me IPR Marketing sjell rezultatet e sondazhit të dytë në nivel kombëtar për këtë vit. Një nga pyetjet ka qenë: “Si e gjykoni veprimtarinë e qeverisë dhe të kryeministrit Edi Rama?”
38.9% e shqiptarëve e gjykojnë negativisht punën e kryeministrit Rama dhe qeverisë së tij, krahasuar me 34.7% nga sondazhi i kaluar. 32.2% e shqiptarëve mendojnë se puna e qeverisë dhe e kryeministrit Edi Rama është pozitive, krahasuar me 29.5% nga sondazhi i 3 prillit. Janë 18.3% e shqiptarëve të cilët mendojnë as pozitivisht dhe as negativisht. Ndërsa 10.6 % nuk kanë dhënë përgjigje. Kampioni përfaqësues është 2 mijë të pyetur.
"Ne nuk kemi intervistuar 2 mijë, por 12 mijë, 13 mijë, por ai kampion na jep thelbëësisht të gjitha të dhënave për qëllime politike dhe se si orientohet vota. Qytetarët janë gjetur me telefon si në nr fiks edhe në celular. Marzhi i gabimit është 2.7%." – tha Antonio Noto, administratori i shoqërisë IPR Marketing.
