Kreu i PD-së, Lulzim Basha, është shprehur nga qyteti i Fierit se zgjidhja politike do të vijë pas largimit të kryeministrit Edi Rama. Ai ka shtuar se nuk ka vend që mund t’i hapen negociatat në BE pa zgjedhje të lira, duke shitur votat dhe duke përfshirë krimin.
"Zgjidhja është e thjeshtë nëse Edi Rama një herë në jetën e tij, një çast në jetën e tij, do të vendoste interesin tuaj, për interesin e vendit, interesin e qytetarëve të thjeshtë të këtij vendi, jo të oligarkëve jo të banditëve, jo të vetës dhe pushtetit të tij, jo të pasurisë së tij, por interesin e Shqipërisë dhe shqiptarëve.
Zgjidhja është e thjeshtë: largimi i tij i hapë rrugë zgjidhjes politike, një qeverie të integrimit europian që do të mundësojë zbatimin e kushteve që Edi Rama dhe banda e tij, nuk i zbatojnë, sepse janë në konflikt interesi me to.
Zgjedhje të lira e të ndershme, dënimin e politikanëve të kapur me krimin në shitblerje votash.
Nuk ka vend që i hapen negociatat në BE pa zgjedhje të lira. Nuk ka vend në BE që i hapen negociatat me shitblerje votash me krimin.
Largimi i Edi Ramës, qeveri tranzitore, zgjedhje të lira dhe të ndershme, janë rruga jonë drejt Bashkimit Europian", shprehet Basha.
