Lulzim Basha i kërkoi sot ish-deputetëve dhe veçanërisht atyre që kanë qenë pjesë e Komisionit të Ekonomisë, që të zhvillojnë takime masive të shtrira në nivel kapilar në të gjitha bizneset e Tiranës.
Kryedemokrati mësohet se i ka porositur ish-deputetët që deri në protestën e 2 qershorit, ditën e diel, ish-deputetët të kenë zhvilluar takime me të paktën 40 mijë biznesë në Tiranë. Sipas News 24, deputetët duhet t'i ftojnë pronarët e bizneseve në protestën e shtatë kombëtare të opozitës së bashkuar.
“Takime kapilare me biznese të Tiranës. Nuk duhet lëne asnje biznes pa prekur. Deri të dielën para protestës të jenë takuar rreth 40 mijë binese në Tiranën urbane. T’u lihet fletëpalosja me pikat kyçe të programit te PD për biznesin, kryesisht biznesin e vogël, fletëpalosja me taksat e rritura në Tiranë dhe të ftohen të marrin pjesë në protestë” - mësohet të jetë shprehur Lulzim Basha.
