Një avokat amerikan është personi i 11 që vdes duke zbritur Everestin në 10 ditët e fundit. Banori i Colorado, John Kulish, 62 vjeç, vdiq të hënën në çatinë e botës. Sipas mediave të huaja, ai vdiq papritur dhe shkaqet e vdekjes së tij mbeten të paqarta. Kulish, është amerikani i dytë që vdes në 10 ditët e fundit pak pasi arriti majën. Ai ishte pjesë e një grupi alpinistësh, të cilët festuan së bashku me të 62-vjetorin e tij në mal. Shumica e vdekjeve në mal mendohet të kenë si shkak lodhjen dhe mungesë oksigjeni apo pajisjesh të duhura për ngjitje.Të paktën 10 persona kanë vdekur në 9 ditë pas motit të tmerrshëm në ngjitjen e malit, i cili i la viktimat me mungesë të theksuar oksigjeni dhe lodhje.
