Kryeprokurorja e Përgjithshme, Arta Marku, teksa ka paraqitur para Komisionit Parlamentar të Ligjeve raportin e Prokurorisë për vitin 2018, është pyetur lidhur me dosjet e shumëpërfolura 339 dhe 184, që konsistojnë në përgjimet për blerjen e votave në zgjedhjet e fundit qendrore të vitit 2017. E pyetur nëse Prokuroria e Krimeve të Rënda ka nisur ndonjë hetim për zbardhjen e përmbajtjes së dosjeve, Marku pohoi se hetimi është në proces dhe se shumë shpejt do të bëhet publik.
Gjithashtu, drejtuesja e organit të akuzës foli edhe lidhur me arrestimet e kryera nga Policia e Shtetit gjatë protestave kombëtare të opozitës së bashkuar joparlamentare. Marku nënvizoi se është në dijeni të arrestimeve të kryera, ndërsa hodhi poshtë pretendimet e opozitës se ndalimet ishin të motivuara politikisht.
Pjesë nga debati:
Xhemal Qefalia: Keni nisur hetim për nxjerrje te dosjeve në publik?
Marku: Nuk mund të them se ndikon në procesin hetimor nxjerrja e sekretit të hetimit
Adriatik Alimadhi: Janë politike ndalimet e protestuesve te unaza e madje dhe në protestat e opozitës?
Marku: Jam në dijeni për disa arrestime. Çështjet janë në hetim, ndalimet janë bërë nga policia. Nuk mund te them nëse ndalimet janë politike.
Andi Permeti: A ka rrezik se mund të jenë dosje të tjera që rrinë të fjetura si ajo e 339?
Marku: Shpresoj të mos ketë dosje të tilla dhe prokurorë të papërgjegjshëm. Prokurori përgjithshëm nuk ka kompetence të ndërhyjë e të kontrollojë mbi proceset hetimore
Bashkim Fino: A ju përdorin? Ka falje te informacioneve nga prokuroria e përgjithshme në mënyre skandaloze. Ka dy mënyra për të dalë: kur ju përdorim por edhe kur mund te përdorin vetveten. A kanë përgjimet për shit-blerjen e votës vlere procedurale? Kjo ka lidhJe edhe me politikën e sotme, sepse po të ishte vepruar me kohë nuk do ishim në këtë situatë politike
Marku: Dalja e informacionit jo nga Prokuroria e Përgjithshme por nga Prokuroria e Krimeve të Rënda. Ka një hetim që në fund do bëhet publik.
