Dy të rinj teksa po ktheheshin me motor drejt shtëpive të tyre në fshatin Poro në Vlorë kanë rënë në pritë të një atentati, ku si pasojë 22-vjeçari Sotiraq Mëhilli ndërroi jetë rrugës për në spital, ndërsa i plagosur rëndë ka mbetur shtetasi Eno Mata 32-vjeç, i cili rezulton person me precedentë penalë në shtetin grek.
Ende nuk dihen shkaqet e kësaj ngjarjeje, por Policia dhe FNSH ka nisur punën intensive për zbardhjen e motiveve të atentatit.
Pas ngjarjes së rëndë, në fshatin Bishan është djegur një makinë tip “Mercedes”, e cila dyshohet të jetë përdorur nga autorët e atentatit.
