Mbyllet protesta e studentëve pranë Ministrisë së Arsimit.
Ata kanë marshuar nga qendra drejt ministrisë me thirrjet e “E duam Shqipërinë si e gjithë Europa”. Studentët, të revoltuar për mos plotësimin e kërkesave të tyre, dogjën letra dhe hodhën tymuese në drejtim të ministrisë.
Studentët u shprehën se ndihen të gënjyer nga qeveria si dhe shtuan se propaganda e ndjekur deri më tani ka dështuar përfundimisht.
Kryeministri Rama si kundërpërgjigje publikoi sot një video me të dhëna, që sipas tij tregojnë se premtimi për studentët është një realitet i përfunduar me korrektësi.
Studentët pohuan sot se për organizimin e tyre në ditët në vijim do të njoftojnë përmes rrjeteve sociale.
