Nis protesta e studentëve para godinës së Ministrisë së Arsimit. Shkaku i kësaj proteste sipas tyre është mosmbajtja e premtimeve nga qeveria.
Studentët u shprehën se nuk janë mbajtur shumica e premtimeve të qeverisë dhe kryeministrit Rama të bëra në kuadër të të ashtuquajturit “Pakti për Universitetin”.
Ata kanë vendosur në murin rrethues të godinës së ministrisë pankarta ku kanë shkruar kërkesat e tyre si dhe mesazhe për politikën dhe qeverinë. Gjithashtu studentët kanë hedhur në drejtim të godinës së Ministrisë së Arsimit edhe flakadanë, shishe plastike dhe parulla në shenjë revolte ndaj premtimeve të pambajtura.
