Një operacion i gjerë është zhvilluar sot nga policia italiane në Frosinone dhe në komunat përreth. Gjatë këtij operacioni u arrestuan 16 persona, shumica e të cilëve janë italianë, por mes tyre ka edhe marokenë e shqiptarë.
Ata janë vënë në pranga nën akuzën: “posedim i lëndëve narkotike për qëllime trafikimi”. Të arrestuar përfunduan 3 shqiptarë, të cilët akuzohen për vjedhje banesash dhe automjetesh. Policia e Frosinones ka arritur të sekuestrojë sasi të mëdha droge, si hashash e kokainë.
Hetimi nisi pas vrasjes së Emanuele Morganit, 20 vjeç nga Tecchiena di Alatri, ekzekutimi i së cilit u dyshua që në fillim se ishte për arsye të trafikut të drogës. Pas hetimeve të kryea, policia italiane mundi të arrestojë shumë persona, të dyshuar si anëtarë bande.
