Kryetari i PD-së zhvilloi sot pasdite një takim në qytetin e Durrësit me mbështetës të tij. Duke folur për zgjedhjet lokale ai tha se nuk do të ketë zgjedhje në 30 qershor. Basha paralajmëroi kryeministrin Rama.
“Nëse tenton zgjedhje farsë me krimin në 30 qershor, përballje në cdo qendër votimi në cdo kuti votimi”, tha Basha.
Sipas kreut të opozitës, Edi Rama sot e ka të gjithë popullin kundër. Ai u shpreh i vendosur për t’i shkuar deri në fund rezistencës opozitare. Basha tha se sot Shqipëria ka rënë në grackën e një njeriu që qeveris me oligarkët.
Më tej ai u shpreh se kushti i panegociueshëm i zgjidhjes së krizës politike është largimi i Edi Ramës. Më herët Rama përmes një letre publike e ftoi Bashën në dialog pa kushte.
©LAPSI.al
