Presidenti i Indonezisë, Joklo Widodo, është shpallur fitues me 55 % të votave i zgjedhjeve presidenciale që u zhvilluan më 17 prill.
Rezultati përfundimtar i zgjedhjeve është publikuar në orët e para të mëngjesit të sotëm nga Komisioni elektoral indonezian.
Kreu i shtetit i konfirmuar për herë të dytë në detyrë, Widodo, është përballuar sërish me ish-gjeneralin Traboëo Subiato, i cili ka refuzuar të pranojë rezultatin duke deklaruar fitoren që pas daljes së rezultateve paraprake muajin e kaluar.
Në kryeqytetin e Xhakartës janë paralajmëruar protesta të shumta nga përkrahësit e kandidatit humbës, Subiato. Me mijëra forca policore dhe ushtarake janë vënë në gatishmëri, për të evituar trazirat dhe përplasjet civile.
