Një tjetër ngjarje me në qendër dhunën ndaj mjekëve ka ndodhur në Vlorë.
Mjeku i urgjencës i identifikuar si Florian Godaj është dhunuar nga familjarët e një pacienti i cili ka ndërruar jetë.
Pacienti ishte paraqitur ditën e djeshme në spital për të marrë mjekim. Pas kontrollit nga mjeku pacienti është dërguar në shtëpi, ku për fat të keq ka pësuar atak kardiak.
Familjarët kanë fajsuar mjekun për ngjarjen, ndërsa e kanë dhunuar këtë të fundit fizikisht dhe verbalisht.
Pas njoftimit të policisë janë arrestuar edhe personat përgjegjës për dhunën, ndërsa i pyetur mjeku nuk ka pranuar të prenoncohet për rastin.
