Austria ka shpallur zgjedhjet e parakohshme 18 orë pas publikimit të një materiali filmik, ku Zëvendës Kancelari austriak, Heinz-Christian Strache, shfaq gatishmërinë për t’i siguruar një oligarkeje ruse mbështetje për tendera publikë, në cilësinë e kreut të Partisë së Lirë (FPÖ).
Komprementimi i Strache-s, parashikohej nëse FPÖ-ja do të ishte pjesë e formacionit qeverisës pas zgjedhjeve të përgjithshme të vitit 2017, në këmbim të mbështetjes financiare. Në zgjedhjet e fundit, FPÖ-ja arriti 26 % të votave dhe u bashkua në një koaliacion paselektoral me ÖVP-në.
Pas publikimit të videos, mësohet se zëvendëskancelari Strache i ka paraqitur dorëheqjen kancelarit austriak, Sebastian Kurz, drejtues i partisë konservatore, ÖVP-së. Po ashtu, Strache ka dorëzuar edhe postin e kreut të FPÖ-së. Në këto orë që kanë pasur dorëheqjen e Strache-s, qarkullojnë hipoteza se pasuesi i tij i mundshëm është kandidati i dikurshëm për president nga radhët e FPÖ-së, Norbert Hofer.
Videoja që u shpërnda nga prestigjiozet “Spiegel” dhe “Süddeutsche Zeitung”, tregon për ambicien e oligarkes ruse për të blerë gazetën austriake me tirazhin më të lartë, “Kronen Zeitung”, me qëllim që të mbështeste FPÖ-në në peridhën paraelektorale. Organi i akuzës ka nisur hetimet për çështjen në fjalë.
