Tensionet mes Shteteve të Bashkuara të Amerikës dhe Iranit, janë përshkallëzuar edhe më shumë pas replikave të kohëve të fundit midis zyrtarëve të lartë të dy vendeve. Zëdhënësi i Iranit në Organizatën e Kombeve të Bashkuara, Alireza Miryousefi, e ka akuzuar presidentin amerikan, Donald Trump, se ka nisur një “luftë propagandistike” për të rritur potencialin e shpërthimit të konflikteve në rajonin e Lindjes së Mesme.
“Ky është vetëm shkallëzimi më i fundit në luftën propagandistike që SHBA zhvilloi kundër Iranit, duke përdorur inteligjencën e rreme. Kjo situatë mund të bëjë që të nisë një konflikt i hapur mes dy vendeve.”- shtoi Miryousefi duke akuzuar se SHBA-të kanë vënë në përdorim inteligjencën artificiale. Sipas zyrtarit Miryousefi, Irani kurrë nuk ka pasur plane për të luftuar shtetet e tjera përreth, por gjithmonë ka vepruar në ndjekje të interesit shtetëror.
Marrëdhëniet SHBA-Iran u tendosën pas tërheqjes së SHBA-ve nga marrëveshja ndërkombëtare bërthamore e vitit 2015, që shtyu Iranin të njoftonte se do të pezullonte angazhimet kryesore që i parashtroheshin me karakter detyrues. Presidenti iranian, Hassan Rouhani, njoftoi se rezervat e uraniumit të pasuruar nuk do të eksportohen më, sikurse është bërë që pas nënshkrimit të marrëveshjes e deri më tani.
Përmes zbatimit të marrëveshjes së vitit 2015, synohej që në këmbim të lehtësimit të sanksioneve, të arrihej frenimi i ambicieve dhe reduktimi i kapacitetit bërthamor të Iranit.
