Një muaj pas supergrabitjes në Rinas, Tirana International Airport ka hapur garën për kompanitë që ofrojnë sigurinë fizike. Në muajin tetor përfundon kontrata me “ICTS Albania dhe muajt që kanë mbetur shërbejnë për plotësimin e anës proceduriale.
Në faqen zyrtare të kompanisë i bëhet thirrje kompanive ndërkombëtare të specializuara në këtë drejtim që të regjistrohen dhe të bëhen pjesë e garës.
Aeroporti ‘Nënë Tereza’ synon që të lidhë kontratën për shërbimet e sigurisë për një periudhë 5 vjeçare.
Nga të dhënat mësohet se ICTS merr nga koncesionari i aeroportit rreth 1.5 milion euro në vit me qëllim garantimin e sigurisë dhe ka të punësuar 152 persona.
