Nëna 24-vjeçare Sebjana Myzeqari dhe vajza e saj Enissa 2-vjeç, të cilat disa ditë më parë u raportuan të zhdukura, janë gjetur dhe janë shëndosh e mirë.
Lajmin e bën të ditur BBC.
Sebjana dhe vajza e saj 2 vjeçare Enisa u shpallën të zhdukura në Britani të Madhe më 2 prill kur për herë të fundit ishin parë në Doncaster.
Që prej asaj dite Sebjana nuk ka përdorur as numrin e saj të telefonit dhe as kartën bankare, si dhe rezultonte se nuk ishte larguar nga Anglia.
Vogëlushja dy vjeçare është e regjistruar në çerdhe ndërsa e ëma e saj bënte një jetë pothuajse të izoluar dhe kishte shumë pak të njohur.
Ndërkohë autoritetet shqiptare i kishin komunikuar palës britanike, se në vendin tonë nuk ka asnjë gjurmë të nënës dhe vajzës së saj.
