Fotografia që publikoi këtë të enjte deputetja e PDK-së, Flora Brovina bëri menjëherë xhiron e medieve dhe rrjeteve sociale në Kosvovë dhe në Shqipëri. Sipas saj, bëhej fjalë për përdhunimin nga forcat serbe të një gruaje shqiptare në sytë e familjarëve të saj.
Por duket se e vërteta qëndron krejt ndryshe. Gazeta Express ka zbuluar se ajo foto është marrë nga një faqe interneti pornografike e Irakut. Edhe pse pati qindra gra viktima në luftë dhe gati 20 mijë të tjera të dhunuara, Brovina zgjodhi pikërisht këtë foto për të dëshmuar krimet serbe.
Fotografia gjendet në Google, e publikuar në Irak dhe është përdorur në vitin 2004 nga irakianët për propagandë kundër ushtarëve amerikanë.
Vetë Brovina nuk ka dhënë shpjegime për këtë detaj të ri. Gjatë ditës, ajo tha se ka marrë leje nga vajza e dhunuar dhe familiarët e saj gjatë luftës për ta publikuar atë fotografi në sallën e kuvendit kur po diskutohej gjenocidi serb. ©LAPSI.al
