Ndryshohet masa e sigurisë nga arrest me burg në detyrim paraqitje nga Gjykata e Tiranës për Mario Meshinin, i akuzuar si bashkëpuntor në vrasjen e Devi Kasmit.
Meshini ka kërkuar lirimin nga burgu edhe më parë, duke pretenduar se nuk ka patur lidhje me ngjarjen. Pas disa muajsh qëndrimi në qeli, Gjykata e Tiranës ka vendosur sot që ta lërë të lirë.
Meshini akuzohet për moskallëzim krimi. Ai u arrestua më 30 janar të vitit 2018, pasi nuk kishte denoncuar vrasjen e Kasmit.
41-vjeçari Devi Kasmi u vra më 29 janar të këtij viti në derën e shtëpisë së tij. Ai u qëllua disa herë me pistoletë në kokë dhe trup. Si ekzekutues është i pandehur shtetasi grek Eftimiu Eftimius, 49 vjeç.
Kasmi u qëllua disa herë me pistoletë në kokë dhe trup. Si porositës i vrasjes nga policia dyshohet të jetë Domart Konjari, i shpallur në kërkim nga autoritetet shqiptare dhe franceze.
Vrasja dyshohet të ketë ndodhur për prishje të pazareve të kokainës në Francë dhe Spanjë. Edhe gjatë kontrollit të banesës së Kasmit u gjet 3 kilogramë kokainë, 300 gramë drogë LSD dhe një armë automatike.
