Fadil Kasemi nuk i shpëtoi burgimit të përjetshëm. Gjykata e Apelit ka vendosur të lërë në fuqi vendimin e shkallës së parë të Krimeve të Rënda, e cila e ka dënuar Kasemin me burg të përjetshëm për vrasjen e 31 gushtit 2017 që tronditi opinionin publik.
Krimet e Rënda kërkuan gjithashtu që dënimi të kryhet në një burg të sigurisë së lartë.
39-vjeçarja Fildez Hafizi u qëllua me 2 plumba pistolete brenda makinës së saj nga Fadil Kasemi, pas disa problemeve dhe kërcënimeve në të kaluarën, nga të cilat kishte marrë edhe një urdhër mbrojtjeje.
©Lapsi.al
