Rreth shtatë kile kokainë janë sekuestruar sot në portin e Barit. Dy shqiptarë kanë rënë në prangat e policisë. Sipas mediave italiane, kokaina vinte nga Holanda dhe kishte destinacion Shqipërinë.
Operacioni u zhvillua nga Guardia di Financia në bashkëpunim me funksionarë të agjensisë së doganës. Gjatë operacionit janë sekustruar edhe 150 mijë euro para.
Dy personat e arrestuar, të cilët do transportonin kokainën i përkisnin moshës 30 dhe 44 vjeç. Ata udhëtonin në bordin e një kamioni frigorifer i cili transportonte 20 tonelatë patate të ngrira.
