Kreu i FRPD, Belind Këlliçi hedh akuza të ashpra në adresë të gjyqtarit të Gjykatës së Tiranës, Arben Micko, i cili la sot në burg 20 protestues të opozitës. Këlliçi shkruan në rrjetet sociale se gjyqtari është babai i nënkryetarit të FRESH, Artur Micko, duke zbuluar kështu edhe lidhjen mes tij dhe qeverisë, për të mbërritur te vendimi në dukje i diktuar.
Reagimi i Këlliçit
Drejtesia e Edi Rames, burg per protestuesit dhe pushtet per kriminelet! Sot babai i nenkryetarit te FRESSH-it Artur Micko, gjyqtari politik i Rilindjes Arben Micko, mbajti ne burg 20 protestues. Drejtesia e Edi Rames dha burg per ata qytetare qe protestojne per liri dhe te drejta themelore, e jep pafajesi per kriminelet, trafikantet, hajdutet e perdhunuesit.
Burg per protestuesit e unazes, asnje akuze per hajdutet e 40 milione eurove per 2km rruge te unazes.
Burg per protestuesit qe duan zgjedhje te lira dhe te ndershme, asnje hetim per bleresit e votave ne bashkepunim me krimin, Damian Gjiknuri, Vangjush Dako, etj.
Dosja 339 dhe 184, kapja politike e drejtesise i kane mbyllur Shqiperise deren e Europes. Krimi i lidhur me politiken po rrezikon kthimin e vizave per Shqiptaret. Asnje gjyqtar politik i Edi Rames nuk na ndal dot! Perkundrazi na shton vendosmerine ne betejen tone per Shqiperine si e gjithe Europa. Ne, te rinjte demokrate dhe rinia qe e do Shqiperine si Europa nuk do ta lejojme te keqen qe na qeveris sot, te mbaje peng te ardhmen tone europiane.
