Presidenti i Republikës, Ilir Meta ka vizituar në Spitalin e Traumës, Sekretarin Organizativ të Partisë Demokratike Sahit Dollapin. Burime pranë presidencës thanë se Meta u interesua për shëndetin e Dollapit dhe kërkoi impenjimin maksimal të mjekëve për kujdesin ndaj tij.
“Presidenti Meta vizitoi sot në Spitalin e Traumës z.Sahit Dollapi i cili është në gjendje të rëndë pas dhunës së ushtruar ndaj tij nga disa efektivë të Policisë së Shtetit”.
Dollapi u dhunua gjatë protestës të së shtunës. Ai u ndalua fillimisht nga një polic i cili i kërkoi të largohej duke i marrë maskën kundragaz nga dora. Ai tentoi të largohej me vrap por një grup policësh e rrethuan dhe e qëlluan me shkopa gome.
