Donald Trump, si asnjëherë më parë, ka publikuar mëngjesin e ditës së sotme rreth 62 postime në profilin e tij në Twitter në një orë.
Temat e përfshira në këtë postime nisnin nga Russiagate tek kufiri me Meksikën, nga fushata për Shtëpinë e Bardhë tek problemet tregtare me Kinën. Trump është mjaft aktiv në profilin e tij në Twitter, ku publikon komente në lidhje me aktualitetin dhe vendimet e SHBA-së për tema të caktuara, por ditën e sotme ai ka qenë më aktiv se çdo herë tjetër më parë me 62 postimet e tij që i kanë çuditur të gjithë duke marrë parasysh kohën e shkurtër të publikimit, për vetëm një orë.
